Qırımtatar aq-uquq qoruyıcısına Felemenk Elçiliginde mukâfat berildi

uatv
06.12.2019
Foto İnessa Zanina/UATV

Felemenk Qırallığı Elçiliginde “İnsan aqları lâlesi” mukâfatlar berildi.

Bu aqta UATV mühbiri haber ete.

Birinci mukâfatnı, defalarca qorqutılğan Qırımlı aq-uquq qoruyıcı Lilâ Gemeci aldı. Qırımtatar advokatı Rusiye mahkemelerinde siyasiy sebeplerden taqip etilgen qırımtatarlarnıñ aqlarını qorçalay.

Ekinci mukâfatnı Odesa faali, Yevropamaydan iştirakçisi Vitaliy Ustimeknko aldı.

Lilâ Gemeci Bağçasaraydaki ekinci «Hizb ut-Tahrir davası» mabüsleriniñ ve vicdan mabüsi tanılğan «Qırım birdemligi» cemaat birleşmesiniñ koordinatorı Server Mustafayevniñ imayecisi ola.

«İnsan aqları lâlesi» – Felemenk Tış işler nazirliginiñ teşebbüsiniñ tesis etilgen ükümet mukâfatıdır. 2008 senesinden berli insan aqlarına qoltutqan aq qorçalayıcı ve teşkilâtlarğa berile. 2018 senesinden itibaren Felemenk ükümeti bütün dünyada yapqan işi içün telükede olğan faal ve aq qorçalayıcılarğa yerli mukâfatlar bere.

Oquñız: “Tişten tırnağınace silâlanğan quvetçiler qırımtatarlarnıñ evlerine sürip kire”: aq-uquq qoruyıcı Avropada işbirlik ve telükesizilik teşkilâtında qırımtatarlarnıñ taqip etilüvi aqqında aytıp berdi.

Джерело UATV
дата 06.12.2019
категорії QIRIM
поділитися
Топ новин на UA|TV