Qırımnıñ işğalci akimiyeti episi diniy teşkilâtlarnı taqip ete, – uquqimayeci

uatv
14.05.2019
Foto Ukrinform-UATV

Ukrain ve qırım diniy faalleri ve uquqimayecileri ilhaq etilgen Qırımda söz serbestligi boyunca Beyannameni ilân ettiler.

Bu aqta Ukinform haber etmekte.

Qırım uquqimaye gruppasınıñ idare başlığı Olga Skripnik qayd etkenine köre, ilhaq etilgen Qırımda episi diniy teşkilâtlar rusiye akimiyeti tarafından basqı köre. Bundan ğayrı, işğalciler bizim siyasiy mabüslerimiz ve arbiy esirlerimizge qarşı böyle basqını köstere.

“Bizim siyasiy mabüslerimizniñ vaziyetine diqqatıñıznı celp ettirmege isteyim. Olarnıñ episi diniy serbestlik aqqlarından marum etilgen. Olar ibadetlerini yapalmay, olarğa kimseni kirsetmeyler. Meselâ, arhiyepiskop Klimentni Keriç ve Aqmescitte tutulğan deñizcilerge ve Vladimir Baluhha kirsetilmedi”, – dep, ikâye etti uquqimayeci.

Onıñ sözlerine köre, insanlar sadece basqığa oğramay, olar taqip etile, hususan musulmanlar. Belli ki, 56 kişiHizb ut-Tahrir işi”niñ figurantı olıp ve Rusiyede yasaq etilgen diniy teşkilâtta alâqadarlıqta qabaatlanıp apiste tutula.

“Qırımnıñ işğali devamında Moskva kilsesine ait olmağan episi diniy cemiyetler, episi diniy teşkilâtlar basqı, sıñırlavlar, taqiplerge oğradı”, – dep bildirdi Olga Skripnik.

Bundan evel Qırımda işğalciler Klimentke Ukraina ortodoks kilsesininiñ qayd etilmesine muracaatını qabul etmediler.

Menba Ukrinform
tarih 14.05.2019
kategoriyalar QIRIM
paylaşmaq
UA|TV top haberleri