Qırımlılar işğalcilerniñ “erli saylavlarını” boykot etti, – Çubarov

uatv
09.09.2019
Foto Ukrinform

Qanunsız sürette işğal etilgen Qırım sakinleri, rus işğalcileri tarafından keçirilgen qanunsız “erli saylavlarnı” boykot etti.

Bu aqta öz Facebook saifesinde Qırımtatar Milliy Meclis reisi Refat Çubarov yazdı.

“Moskva ne qadar tırışsa da, vaqtınca işğal etilgen Qırım sakinleri, rus işğalcileri tarafından keçirilgen qanunsız “erli saylavlarnı” birlikli tarzda boykot etti”, – yazdı o.

Çubarov, daa evel Rusiye tarafdarları olğan bir çoq sakin, qırımtatarlarnıñ ve qavmiy ukrainlerniñ narazılıq bildirip “saylavlarnıñ” boykot etilmesine qoşulğanlarını qayd etti.

“Saylav bölükleriniñ qapalmasından evel saylayıcılarnıñ kelmesi aqqında soñ malümatnıñ saytta keç qalması, yerli faaller tarafından, işğalcilerniñ işğal etilgen Ukraina topraqlarında Moskva tarafdarları sayısınıñ eksilüvini örtmek ve bunıñ ile yerli kollaborantlarnı qaçınılmaz cezadan qurtarmaq kerek olğan raqamlar kirsetilüvi içün acele yapılğan areketlernen añtatıla”, – dep saya Meclis reisi.

Sentâbrniñ 7-nde, Qırımtatar Milliy Meclis reisi Refat Çubarov öz Facebook saifesinde, Rusiye, “ukrain siyasiy mabüsleriniñ azat etilmesi aqqında muzakereler etilgende”, işğal etilgen Qırım mavzusınen bağlı bütün laflarnı kestirmege tırışa, dep yazdı.

Daa evel, Çubarov, Ukraina ve Rusiye Federatsiyası arasında apislilernen deñişüv qırımtatarlarsız olsa, bu Rusiyege işğal etilgen Qırımda pekinmege yardım etecegi aqqında bildirdi.

Menba UATV
tarih 09.09.2019
kategoriyalar CEMİYET
paylaşmaq
UA|TV top haberleri