Qırımlı advokatlar tevqif etilgen faaller ile körüşmek içün Rusiyege kettiler

uatv
08.04.2019
Foto Qırım. Aqiqat

Aq-uquq qoruyıcılar Emil Kürbedinov, Edem Semedlâyev ve Mammet Mambetov tevqif etilgen ve soñra qanunsız sürette Rusiyege alıp çıqarılğan qırımtatar faallerinen körüşmege kettiler.

Bu aqta advokat Emil Kürbedinov öz Facebook saifesinde yazdı.

Olar Rostov vilâyetiniñ Şahtı şeerine yol tutalar.

“Halqara uquqqa baqmadan (4-nci Jeneva şartnamesi) işğal etilgen Qırımdan alıp çıqarılğan siyasiy mabüsler – qırımtatarlar, musulmanlar ile körüşecek olamız”, – yazdı advokat.

Martnıñ 27-nde işğal etilgen Qırımda kütleviy tintüvler keçirildi. Neticede 21 kişi birden yaqalanıldı, ve daa 3 faal martnıñ 28-nde Rostov-na-Donu şeerinde. İşğal mahkemesi episi 24 kişini mayısnıñ 15-ne qadar tevqif etmege qarar aldı.Al-azırda olar Rusiye Federatsiyasında bulunalar.

Menba UATV
tarih 08.04.2019
kategoriyalar SİYASET
paylaşmaq
UA|TV top haberleri