Qırımda yanğın telükesi ilân etildi

uatv
14.08.2019

Qırım ateş altında. Yarımadada aman-aman 200 gektar orman yana. Qarasuvbazar rayonunda vaziyet eñ ağır. Yanğıncılar ateş tarqalmasını toqtatsalar da, onı tolusınen söndürip olamadılar. Çüki küçlü yel bunı yapmağa keder ete.

Orman yanğını Udarnoye köyü civarlarında başlandı. Ateşni söndürmek içün 63 qurtarıcı ve 22 tehnika aleti cel ettirildi. Sıcaqtan Qırımda tek ormanlar degil de, çöller de yana.Yarımadada yanğın telükesi raatlıq künlerinden ilân etildi.

Daa evel Rusiye FVN-niñ Qırım idaresi, iyünniñ başından berli Qırımda 140 yanğın çıqtı, dep bildirgen edi.

İyül 29-ında İçki (Sovetskiy) rayonınıñ Sarğıl (Luçevoye) köyüniñ çetinde açıq tarlada quru ösümlikler yana edi.

İyül 7-sinde Aqyar (Sevastopol) yanında baqımsız yüzümlikte büyük yanğınnı söndürdiler. Ateş 12 gektarnıqaplap aldı.

Avgustnıñ 11-inde üyleden soñ Üç Qoş deresinde yanğın başlandı. Fevqulade vaziyetler hızmetiniñ (FVH) haber etkenine köre, yanğın uzaq dağlıq yerinde, 45-80 derecelik bir bayır capında başlandı. Ateşniñ söndürmesine, derede 15-20 m/s qadar köterilgen küçlü yel mania ola.

Menba UATV
tarih 14.08.2019
kategoriyalar QIRIM
paylaşmaq
UA|TV top haberleri