“Qırım evi yüreklerni birleştire”: Kyivde, Ukraina Mustaqilligi Kününe bağışlanğan kontsert keçecek

uatv
08.08.2019
Foto life.pravda.com.ua

Avgustnıñ 25-inde saat 18:00 Kyivde Ukraina Milliy tarih müzeyiniñ meydanında üçünci kere “Qırım evi yüreklerni birleştire” Open Air kontserti keçirilecek. Kontsert Ukraina Mustaqilliginiñ 28 yıllığına bağışlana.

Bu aqta Qırım. Aqiqat saytında haber etile.

Berilgen malümatqa köre, kontsert programmasında belli ukrain ve qırımtatar sanatkârlar çıqışta bulunacaq: Jamala, Aleksandr Polojinskiy ve “Büvye”,”Shatur-Gudur“, Elvira Sarıhalil, “Kurbası” ve digerleri.

Tedbir çerçivesinde saat 15:00-ten başlap kündüz programması olacaq. Anda çeşit-türlü ustalıq dersleri keçirilecek, olarnıñ arasında çölmekçi Rustem Skibin ve ustahanesiniñ dersleri. Bundan ğayrı, qırımtatar yemekleri ve qavesi pişirmesinden ustalıq dersleri olacaq.

Kontsertni Qırım evi Ukrain medeniy fondu, Ukraina tarihı milliy müzeyi ve “Cenişke” qırımtatar semetdeşler cemiyeti yardımınen keçirecek.

Tedbirni istegenler ziyaret ete bile, kiriş ücretsiz.

Menba Qırım. Aqiqat
tarih 08.08.2019
kategoriyalar ŞERİKLERNİÑ HABERLERİ
paylaşmaq
UA|TV top haberleri