Qırım aqqında BMT qararı Qara ve Azaq deñizlerinde telükesizlik olmasına yardım etecek, – Ukraina TİN

uatv
10.12.2019
Foto Ukrinform-UATV

Keçenlerde Birleşken Milletler Teşkilâtınıñ Baş Assambleyası Qırım aqqında qabul etken qararı Qara ve Azaq deñizlerinde telükesizlik ve turğunlıq ğayrıdan tiklenilmesi içün pek müimdir.

Bu aqta Ukraina Tışıqı işeler nazirliginiñ bildirüvinde yazıla.

İdarede qayd ettiler, qabul etilgen vesiqa yarımadanıñ işğalden azat etilüvi içün kereklidir.

“Qarar halqara toplulığı Rusiyeniñ Qırım askeriyleştirilüvi areketleri içün pek raatsız olğanını kosterdi. Ondan ğayrı, qanunsız arbiy talimlerni keçirmege yardım etkeyen silâ ve arbiy tehnika yerleştirirüvi. Bu kibi areketler Qara deñiz bölgesinde ve ondan tış turğunlıq içün telükelidir, ve bundan ğayrı daa menfiy devamlı ekologik aqibetleri bar”, – qayd etti TİN.

Dekabrniñ 9-nda Birleşken Milletler Teşkilâtınıñ Baş Assambleyası Rusiyeni işğal etilgen Qırımdan ordusını çıqarmağa ve Ukraina topraqlarınıñ vaqıtnca işğalini toqtatmağa davet etken qarar qabul etti.

Джерело UATV
дата 10.12.2019
категорії QIRIM
поділитися
Топ новин на UA|TV