Qıbrız 9 rusiyeli yatırımcınıñ vatandaşlığını lâğu etecek

uatv
07.11.2019
Foto Ukrinform-UATV

Qıbrız, yatırımlarğa qarşılıqlı olaraq bu memleketniñ paportlarını alğan 26 iş adamını vatandaşlıqtan marum etecek.

Bu aqta Аzatlıq Radiosı haber ete.

Berilgen malümatqa köre, Qıbrız vatandaşlığından 9 rusiyeli, 8 kambocalı, 5 çinli, 2 keniyalı, 1 iranlı ve 1 malaziyalı marum qalacaq. Bunıñ ile pasportlar aile azalarındandan alınacaq.

Qıbrız İçki işler nazirliginiñ reisi Konstantinos Petrides, bunen beraber ükümet daa çetel adamlarğa 4 biñ pasport berilmesini de ğayrıdan baqıp çıqacağını bildirdi.

2008 senesinden başlap Qıbrız vatandaşlığını 1685 çetel yatırımcı aldı. Bu evelki Şuralar Sotsialistik Cumhuriyetler Birliginden, Çin, İran ve Saudi Arabistanından adamlar. Bundan ğayrı vatandaşlıq aile azalarına da berilgen (1651).

Menba Azatlıq Radiosı
tarih 07.11.2019
kategoriyalar Dünya
paylaşmaq
UA|TV top haberleri