Qaşırğa “Dorian”: tabiat afeti sebebinden 7 kişi elâk oldı

uatv
04.09.2019
Foto AР

Bahamalarda şiddetli “Dorian” qaşırğası tınmay. Tabiat afeti sebebinden daa 2 kişi elâk oldı. Episi olıp 7 kişi elâk olğanı aqqında haber etile.

Bunı UATV Azatlıq Radiosına atfı etip bildire.

Bahamalar adaları baş naziri Gübert Minnis, bu daa ilk malümat olğanını ayttı. Yazıq ki, amma elâk olğanlarnıñ sayısı çoqlaşa bile.

Evel 5 elâk olğan ve 21 yaralanğan kişi aqqında haber etildi.

Qaşırğa sebebinden Georgia, Florida ve Cenübiy Carolina eyaletlerinde qısmiy tahliye ilân etilgen.

Ava tahmincilerniñ malümatına köre, qışırğa Florida yalısına yaqınlaşa.

Qaşırğa eñ yüksek – beşinci derecege yetti. Al-azırda yelniñ azamiy tezligi satta 209 kilometr. Aynı zamanda qaşurğa kategoriyası 5 dereceden 4-ke tüşürildi.

Menba Azatlıq Radiosı
tarih 04.09.2019
kategoriyalar Dünya
paylaşmaq
UA|TV top haberleri