Qaşırğa “Dorian”: tabiat afeti sebebinden 5 kişi elâk oldı, 21 yaralandı

uatv
03.09.2019
Foto AР

Bahamalarda şiddetli “Dorian” qaşırğası tınmay. Tabiat afeti sebebinden 5 kişi elâk oldı, daa 21 yaralandı.

Bunı Bahamalar adaları baş naziri Gübert Minnis bildirdi, dep yaza Azatlıq Radiosı.

Qaşırğa suv taşqınını başlattı, ev damlarını qoparıp alıp ketti ve tereklerni yıqtı.

Miami Milliy qaşırğa merkezinde, “Dorian” alâ daa qıbırdamayım tura ve Büyük Baham adasına darbe endirmege devam ete, dep bildirdiler.

Berilgen malümatqa köre, qaşırğa sebebinden Georgia, Florida ve Cenübiy Carolina eyaletlerinde qısmiy tahliye ilân etilgen.

Qaşırğa eñ yüksek – beşinci derecege yetti. Al-azırda yelniñ azamiy tezligi satta 209 kilometr. Aynı zamanda qaşurğa kategoriyası 5 dereceden 4-ke tüşürildi.

Джерело Azatlıq Radiosı
дата 03.09.2019
категорії Dünya
поділитися
Топ новин на UA|TV