Prıstayko, deñişüv aqqında fevral-mart ayında kelişilecegini bekley

uatv
11.02.2020
Foto eurointegration.com.ua

Donbassta tutulğanlarnıñ nevbetteki deñişüvi aqqında añlaşmalar kelecek bir-eki ay içinde tizilecek.

Bu aqta Ukraina Tışqı işler naziri Vadım Prıstayko bildirdi.

“Biz deñişüv aqqında sözümizni tutamız, ve biz ümüt etemiz ki, bu ya da kelecek ay devamında bu añlaşmalarnıñ soñuna irişecekmiz”, – dedi o.

Evel Vadım Prıstayko, deñişüvge azır olğan birinci gruppa aqqında kelişildi, dep bildirgen edi.

Oquñız: Qırımtatar halqı lideri, Ukraina halq mebusı Mustafa Cemilevniñ fikrince, deñişüv çerçivesinde ilk-evelâ mahkümiyet müddetleri çoq olğan Qırım sakinleri azat etilmek kerek.

Джерело UATV
дата 11.02.2020
категорії UKRAİNA
поділитися
Топ новин на UA|TV