Prezident saylavları: memleket tışında rey berüvniñ neticeleri belli oldı

uatv
02.04.2019
Foto Ukrinform-UATV

Merkeziy saylav komissiyası memleket tışındaki saylav bölüklerinde rey berüvniñ 100 faizini sayıp çıqtı.

Bu aqta Merkeziy saylav komissiyasınıñ saytında haber etile.

Birinci yerde ameldeki Prezident Petro Poroşenko – reylerniñ 38,93 %. Ekinci yerde Volodımır Zelenskıy – 26,01%. Üçünci yerde ise Anatoliy Gritsenko – 10,64%.

Episi olıp memleket tışında 55 biñ ukrain rey berdi.

Saat 9:10 berilgen malümatqa köre, MSK protokollarnıñ 97,79 faizi endi işlep çıqtı.

Evel, Merkeziy saylav komissiyasınıñ reisi Tatyana Slipaçuk brifing vaqtında prezident saylavlarınıñ ekinci turı olacağı aqqında bildirdi.

Menba UATV
tarih 02.04.2019
kategoriyalar UKRAİNA DÜNYADA
paylaşmaq
UA|TV top haberleri