Prezident ofisinde işğal etilgen Qırımdan istidatlı balalar içün fond meydanğa ketirilecek

uatv
13.11.2019
Foto PO

Ukraina prezidentiniñ Qırım Muhtar Cumhuriyetindeki daimiy temsilciligi işğal etilgen yarımadada yaşağan istidatlı balalar içün fond meydanğa ketirilmesini başlatacaq.

Bu aqta Qırım Muhtar Cumhuriyetindeki daimiy vekiliniñ muavini Tamila Taşeva bildirdi, dep haber ete Prezident ofisiniñ matbuat hızmeti.

“Yarımadada yaşağan ve mında köçip kelgen adamlarnen işbirlik biz içün pek müim. Qırımdaki istidatlı balalar, medeniy ve tasil teşebbüsler içün fond meydanğa ketirilmesi aqqında aytacaqmız”, – dep qayd etti o.

Taşevanıñ bildirgenine köre, halqara ortaqlar, donor, devlet akimiyet organlarınen mesleatlar endi keçirilgen.

“İşğal etilgen yerde yaşağan istidatlı balalar muracaat etip, belki, oqumaq içün stipendiya alacaq ve Ukrainada keyfiyetli tasil ala bilecek”, – dep yekünledi o.

Menba UATV
tarih 13.11.2019
kategoriyalar QIRIM
paylaşmaq
UA|TV top haberleri