Prezident ofisi Milliy Mecliske qırımtatar halqınıñ sürgünligi aqqında meydanğa çıqarılğan vesiqalarnı berdi

uatv
31.10.2019
Foto Prezident ofisi

Ukraina prezidenti ofisi Qırımtatar halqı Meclisine, Şuralar Sotsialistik Cumhuriyetler Birligi (ŞSCB) İçki işler halq komissariatınıñ 1944 senesi qırımtatarlarnıñ sürgünligine ait meydanğa çıqarılğan vesiqalarnı berdi.

Bu aqta Prezident ofisi reberiniñ müvini Andrey Smirnov bildirdi, dep haber ete devlet başınıñ saytı.

“Bir ay evelsi, Kyiv mahkeme ekspertiza institutı keçirgen ekspertiza vaqtında, biz sovet rejimi tarafından qırımtatarlarnıñ mecburiy sürgün etilmesini, iskencelerni ve genotsidnı tasdıq etken vesiqalar ve malümat aldıq. Prezident qanun qoruyıcı organlarğa arhivlerden olğan ve alâ daa meydanğa çıqarılmağan malümatnı toplamağa ve tertipke ketirmege avale etti”, – dedi Smirnov.

O, bu qırımtatar halqı genotsidinen bağlı meydanğa çıqarılğan vesiqalar ilân etilmesiniñ birinci basamağı olğanını qayd etti.

Onıñ bildirgenine köre, qırımtatarlarnıñ sürgün etilmesinen bağlı vesiqalar qıdıruvı devam etecek.

Milliy Meclis reisi Refat Çubarov vesiqalarnıñ ilân etilmesi içün minnetdarlıq bildirdi.

Menba UATV
tarih 31.10.2019
kategoriyalar QIRIM
paylaşmaq
UA|TV top haberleri