Prezident hususiyleştirmek içün bir qaç şirketni mal – mülk Fonduna berdi

28.10.2019

Ukraina prezidenti Vladimir Zelenskiy hususiyleştirmek içün yasaq olğan bir sıra şirketlerniñ cedvelini lâğu etmesi içün qarar imzaladı. Devlet başı büyük hususiyleştirmek içün başlanmasına birinci adım yaptı.

Bu aqqında Prezident Ofisniñ iqtisadiy meselelerini baqqan müdirniñ yardımcısı, Yuliya Kovaliv brifingte bildirgenine köre, UATV haber ete.

“Daa 1999-ci seneleri böyle qanun bar edi. Bu ülkemizde büyük hususiyleştirmege balaban engel edi. Yaqınlarda parlamentte satılışqa kirmegen şirketlerniñ cedvelini lâğu ettiler. Bugün Mal – mülk Fonduna birinci şirketlerini berilgeni aqqında qarar imzalandı. Bizler Devlet işler idareniñ bütün işhanelerini, şirketlerini inventarizatsiya ettik ve birinci 5 şçirketni hususiyleştirmek içün berdik.” – dedi Yuliya Kovaliv.

Onıñ sözlerine köre devlet ötel “Dnepr”- ni, GUD agrokombinatnı ve 500 şçirketni satılıqqa çıqaracaq.

Ondan alınğan paralar devlet borcunı qapatmaq içün ve içtimai – iqtisadiy projerlerni işletmek içün ketecekler.

Parlament hususiyleştirmek içün yasaq olğan bir sıra şirketlerniñ cedvelini lâğu etmekenini hatırlatamız. Başında baş naziri kiçik privatizatsiya 2020 senede 5 – 6 milliard grivna ketirecegini aytqan edi.

Menba
tarih 28.10.2019
kategoriyalar İQTİSADİYAT
paylaşmaq
UA|TV top haberleri