Prezident arbiy olmağan aviaflotnıñ teşkerüvini ilân etti

uatv
08.01.2020
Foto PO

Ukraina prezidenti Volodımır Zelenskıy baş prokuror Ruslan Râboşapkağa Tegeranda ukrain uçağınıñ qazası sebebinden cinayet davası açmağa buyurdı.

Bu aqta devlet başı Facebookta yazdı.

“Baş prokuroğa Tegeranda Ukraina halqara ava yolları uçaq şirketiniñ uçağı qazağa oğrağanı sebebinden cinayet davası açmağa buyurdım. Arbiy olmağan avivtsiya içün mesül küç ve profil idarelerniñ temsilcilerinden tahqiqat komissiyası teşkil etilmek kerek. Çeşit versiyalar baqılmaq kerek”, – yazdı Zelenskıy.

Prezidentniñ aytqanına köre, Iranda uçaq qazası sebepleri aqqında hulâsalarğa baqmadan, bütün arbiy olmağan aviaflotnıñ uçuş yararlığı teşkerilecek.

Malüm olğanı kibi, Ukraina halqara ava yolları uçaq şirketiniñ Boeing 737 uçağı yanvarnıñ 8-nde Tegeranda İamam Homeyn ava limanından uçqanından çoq keçmeden qazağa oğradı.

Джерело UATV
дата 08.01.2020
категорії SİYASET
поділитися
Топ новин на UA|TV