Poloniyada ukrain uçucılarına abide açıldı

uatv
06.09.2019
Foto polskieradio

Poloniyanıñ Lodze şeerinde, 1939 senesi sentâbr ayında bu şeer üzerinde kökni imaye etken Lviv uçucılarına bir abide qoyuldı.

Bu aqta Poloniya radiosı haber ete.

“161 ve 162-nci eskadra şeerni sentâyürniñ 1-den başlap imaye etti. Sentâbrniñ 5-nde olar 8 nemse uçağını urup tüşürdi. Aynı zamanda, uçucılar eskirgen qırıcı uçaqlarnen uça edi – R-11 ve atta R-7”, – yazıla malümattı.

Şeer şurası mebusı Mateuş Valâs, Ekinci cian cenkiniñ birinci künleriden başlap tamam ukrain uçucıları nemselernen cenkleşkenini ve o zaman aviatsiya bölükleri olmağan “Lodz” ordusı içün emiyetli destek köstergenini qayd etti.

Şunı da qayd etmek kerek ki, 2012 senesi bu şeerde daireviy er çaprazlarından birisi Lviv uçıcıları eşqına adlandırıldı.

Poloniya prezidenti Ancey Duda Ekinci cian cenki başlanmasınıñ 80-nci yıllığına bağışlanğan tedbirlerde çıqışta bulunğanda Rusiyeniñ Ukraina ve Gürcistanğa qarşı tecavuzı aqqında hatırlattı.

Varşava Ukrainanıñ Avropağa bütünleşüvini kesen-kes destekley, – Poloniya TİN.

Menba UATV
tarih 06.09.2019
kategoriyalar UKRAİNA DÜNYADA
paylaşmaq
UA|TV top haberleri