Poloniya Avropa Şurası Parlament Assambleyası küz sessiyasınıñ qısmiy boykot etilmesine qoşludı

uatv
01.10.2019
Foto UATV

Bir qaç Poloniya milliy delegatsiyası, Avropa Şurası Parlament Assambleyası küz sessiyasında resimy tedbirlerniñ qısmiy boykot etilmesine qoşludı. Böyle etip, olar Ukrainanıñ Rusiye Federatsiyası delegatsiyasınıñ keri qaytarılmasına bildirgen narazılığına qoltuttı.

Bu aqta UATV Ukrinform agentligine atfı etip bildire.

“Men ve menim delegatsiyam, Avropa Şurasınıñ 70 yıllığı munasebeti ile keçirilgen tantanalı tedbirlerde iştirak etmeycek”, – dedi Poloniya delegatsiyası başı.

Letoniya ve Litvaniya Ukrainağa qoltutmaq içün, Rusiye Federatsiyası delegatsiyasınıñ keri qaytaralması sebebinden Avropa Şurası Parlament Assambleyası küz sessiyasınıñ qısmiy boykot etilmesine qoşludı.

Sentâbrniñ 30-ndan oktâbrniñ 4-ne qadar Frenkistannıñ Strasbourg şeerinde Avropa Şurası Parlament Assambleyasınıñ küz sessiyası olıp keçecek. Keçken afta, 9-ncı çağıruv Yuqarı Rada mebusları saylağan Avropa Şurası Parlament Assambleyasında daimiy Ukraina delegatsiyası Rusiyeniñ keri qaytarılmasına narazılıq bildirip, oturışlarda iştirak etmeycek.

Oqumağa tevsiye etemiz: PACE ukrain siyasiy mabüslerniñ azat etilmesine yardım etmek kerek, – Almaniya mebusı.

Menba UATV
tarih 01.10.2019
kategoriyalar Dünya
paylaşmaq
UA|TV top haberleri