Petrovske qasabasında ordularnıñ keri çekilmesi kene başqa künge qaldırıldı, – Zagorodnük

uatv
01.11.2019
Foto mil.gov.ua

Boyevikler silâ qullanğanları içün, Petrovske qasabasında noyabrniñ 4-ne planlaştırılğan ordularnıñ keri çekilmesi kene başqa künge qaldırıldı.

Bu aqta brifing vaqtında Ukraina mudafaa naziri Andrey Zagorodnük bildirdi.

“Kerçekten silâ qullanuvı oldı, ve biz Petrovske qasabasında ordu ve tehnika keri çekilmesiniñ tarihı ğayrıdan baqıp çıqılacağını bekleymiz. Künni deñiştirecekmiz. Çünki silâ qullanılğan soñ 7 kün keçkenini bekleymiz. Soñki sefer ateş oktâbrniñ 30-nda açılğan edi”, – dedi o.

Ukrain tarafı Zolote-4 qasabasında ordu ve tehnikanıñ keri çekilmesini yekünledi. Esnas 3 kün devam etti. Endi, mevziler ve inşaatlarnıñ sökülüvi başlaycaq. Bu aqta Birleşken Quvetler ştabı bildirdi. Bunıñ yapılmasına 30 kün berildi. Bundan soñ Avropada işbirlik ve telükesizlik teşkilâtınıñ közeticileri eki taraf nasıl etip ordularını çekkenini teşkerecek. Al-azırda Zolote-4 qasabasında ise sayısı arttırılğan polis patrulleri ve milliy gvardiyalar uquqiy nizamnı qorçalay, dep bildirdi Andrey Zagorodnük. Soqaqlarda gece-kündüz cayav ve köçüci polis taqımları buluna. Bunıñ ile qanun qoruyıcılar bütün vaqıt yerli sakinlernen laf etişe. Ayrı nezaret astında qasabanıñ kiriş-çıqış noqtaları.

Menba UATV
tarih 01.11.2019
kategoriyalar Donbass
paylaşmaq
UA|TV top haberleri