Petro Poroşenko til aqqında qanunnı imzaladı (VİDEO)

uatv
15.05.2019
Foto president.gov.uа

Bugün, mayısnıñ 15-nde, Ukraina Prezidenti Petro Poroşenko “Ukrain tiliniñ devlet tili olaraq tayinlenilmesine dair” qanunnı imzaladı.

Bu aqta UATV haber etmekte.

Til – millet ve devletniñ temelidir. Bu til Ukrainada yaşağan milliy azlıqlarnıñ tillerine iç bir basqı köstermeycegini qayd etmege isteyim. Soñki 5 yılda basqısız qanuniyetimizniñ böyle şkilge kelmesinen ğururlanam”, – dep bildirdi devlet başlığı.

Onıñ qoşqanına köre, qanunnıñ imzalanması ukrain devletiniñ saqlanılması içün esas maddelerden biridir.

İmzalavda meşur ukrain medeniyet erbapları – İvan Malkoviç, İrma Vitovska, Taras Şamayda ve başqaları bulundı.

Bundan evel Yuqarı Rada spikeri Andriy Parubiy ukrain tiliniñ devlet tili olaraq tayinlenilmesine dair qanunnı imzaladı.

Hatırlatamız, Yuqarı Rada deputatları til aqqında qanun leyhasını bu sene aprelniñ 25-nde qabul etti.

Menba UATV
tarih 15.05.2019
kategoriyalar SİYASET
paylaşmaq
UA|TV top haberleri