Parlament saylavları arfesinde Ukrainda “tınçlıq künü” başlandı

uatv
20.07.2019
Foto Radio Svoboda

İyülniñ 20-de yarı gecede Ukrainada Yuqarı Rada saylavları arfesinde “tınçlıq künü” başlandı, dep haber ete UATV.

Ukraina qanunlarına binaen bugün, Parlament saylavlarında halq mebusı namzetleri tarafından er angi saylav aldı teşviqatı yasaq. “Ukraina halq mebuslarını saylav aqqında” qanunnıñ 70-nci maddesinde, saylavlar arfesinde yürsetilgen teşviqat rey berüv künü ögüne soñki cuma kününiñ saat 24-den soñ toqtatılmaq kerek.

Bunıñ ile çeşit türlü kütleviy aktsiyalarnı keçirmege yasaq. Misal olaraq fırqalar ve namzetler adından toplaşuvlar, mitingler keçirmek mümkün degil.

Ukrainanıñ memuriy cinayetler qanunnamesine binaen, “tınçlıq künü” ya da saylavlar kününde yapılğan teşviqat içün memurlarğa 850 ğrıvnadan 1360 ğrıvnağa qadar ve diger vatandaşlarğa 510-dan 850 ğrıvnağa qadar para cezası berile.

Nevbetten tış parlament saylavları iyülniñ 21-nde keçirilecek. Aman-aman altı biñ namzet iştirak ete.

Avgustnıñ 5-ne qadar Merkeziy saylav komissiyası saylavlarnıñ neticelerini belgilemeli ve avgustnıñ 10-na qadar olarnı resmiy matbuatta aydınlatmalı.

2019 senesi sentâbrniñ 9-na yaqın Rada birinci toplaşuvını ötkermeli.

Menba UATV
tarih 20.07.2019
kategoriyalar SİYASET
paylaşmaq
UA|TV top haberleri