Parisnıñ bütün ava limanları endiden başlap “Kyiv” dep yaza

uatv
14.11.2019
Foto Ukrinform-UATV

Parisnıñ bütün ava limanları ukrain paytahtınıñ yazılışını deñiştirdi. Endiden Kiev yerine Kyiv yazıla.

Bu aqta Ukraina Tışqı işler nazirligi bildire.

#CorrectUA ve #KyivNotKiev içün Paristen pek yahşı haberler. @GroupeADP Paris ava limanları gruppası elçiligimizniñ resmiy talabını yerine ketirdi”, – yazıla malümatta.

Кеченлерде Sirbistannıñ “Nikola Tesla Belgrad” halqara ava limanı ukrain paytahtınıñ yazılışını tüzetti.

Ukraina Tışqı işler nazirliginiñ bildirgenine köre, Ukraina paytahtı adınıñ yazılışını 59 ava limanı, 3 uçaq şirketi, 12 çetel kütleviy haber vastası, agentlikler, malümat kitapları ve kütüphaneler deñiştirgen. 

2018 senesi oktâbr ayında Ukraina Tışqı işler nazirligi CorrectUA canlı kampaniyanı başladı. Olar çetel kütleviy haber vastalarına ve şirketlerge, şeeriniñ doğru yazılışını “Kyiv”ge deñiştirmege ricanen muracaat etti. 

Menba UATV
tarih 14.11.2019
kategoriyalar TURİZM
paylaşmaq
UA|TV top haberleri