PACE qararı Rusiyeni qaytarmay, ve qaytma mehanizmlernide yaratmay, – Küleba

uatv
11.04.2019
Foto UATV

Keçende PACE, Rusiyeni qaytarmağa ıntıluv olğan, “Avropa Şurası Parlament Assambelâsı ögünde peyda olğan meseleler” aqqında qarar qabul etti. Amma ukrain delagtsiyası, böyle fırsatqa yol bermegen müim tüzetmeler vesiqağa kirsetti.

Bu aqta Avropa Şurasındaki Ukraina elçisi Dmıtro Küleba öz Facebook saifesinde yazdı.

“Bu qarar Rusiyeni qaytarmay, ve qaytma mehanizmlernide yaratmay. Amma ileride bunıñ yaratılması içün imkânlar bere. Vesiqağa kirsetilgen tüzetme yardımınen, bu mehanizm yaratılsa bile, avtomatik olaraq sanktsiyalar qoymağa mevcut olğan PACE salâhiyetlerini lâğu etmez”, – yazdı Dmıtro Küleba.

Onıñ sözlerine köre, Avropa Şurası Parlament Assambelâsına Rusiyeni kerekli şartlar yerine ketirmeden keri qaytarmağa ıntıluvlar ileride de devam etecek.

“Rusiye tarafdarlarınıñ esas sebepleri: Biz iç bir vaqıt Qırımnı tanımaycaqmız, biz sizge qoltutacaqmız, biz Rusiyeni tenqid etecekmiz, amma keliñiz olarnı qaytarayıq”, – dedi elçi.

Qararnıñ birinci variantı, sanktsiyalar qoyuv meselesinde yañı qıyın bir mehanizm kirsetilmesini közde tuta edi. Amma bu teklif red etildi. Şunıñ içün, Avropa Şurası Parlament Assambelâsınıñ Rusiyege qarşı öz başına sanktsiyalar qoyuv aqqı deñizmez qala.

Menba UATV
tarih 11.04.2019
kategoriyalar SİYASET
paylaşmaq
UA|TV top haberleri