“Ordu 2.0”: UATV yañı levhalarnı taqdim etti

uatv
03.12.2019
Foto UATV

Ukraina Silâlı quvetleri Künü yaqınlaşmaqta – er sene dekabrniñ 6-nda keçirilgen milliy bayram. Bu künü 1991 senesi “Ukraina Silâlı Quvetleri aqqında” qanun qabul etildi. 1993 senesi ise taqvimlerimizde arbiylerge bağışlanğan resmiy bayram peyda oldı.

Bu vaqianıñ arfesinde, Ukraina tış yayınlav mültimedia platformasınıñ telekanalı UATV-de “Ordu 2.0” levhalar sırası başlandı.

Onıñ esas mevzuları arasında – zemaneviy ordunı teşkil etüv, silâ yañartuvı, askerlerni azırlav ve ordu tibbiyetinde yañılıqlar.

Seyirciler tanış olacaq qaramanlar bu tek askerler degil, amma daa göñülliler, ekimler, beş yıl devamında memleketimizni mudafaa etken adamlar aqqında.

“Ordu 2.0” beş levhadan ibaret. Dekabrniñ 2 -nden başlap dekabrniñ 6-na qadar devam etecek.

Menba UATV
tarih 03.12.2019
kategoriyalar TELEKANAL HABERLERİ
paylaşmaq
UA|TV top haberleri