Oleg Sentsov Lvivde yañı kitabını taqdim etti

uatv
22.09.2019
Foto Ukrinform-UATV

Rusiye esirliginden azat etilgen ukrain rejissörı Oleg Sentsov Lvivde Neşirciler forumında “Marketer” yañı kitabını taqdim etti.

Bu aqta UATV Ukrinform agentligine atfı etip bildire.

Sabıq Kreml mabüsi, kitap bir buçuq yıl evelsi 11 kün içinde yazılğanı aqqında aytıp berdi.

Onıñ aytqanına köre, sert rejim cezahanesinde (Labıtnangi), “boş vaqıt, körünilgeni kibi çoq degil”.

“Başı şeyler aqlıma kele ve anda yıllar devamında otura bile, men bir şey yazıp almayım bile olarnı tüşünip taşınam. Bu şeyler pişip yetişe… Ve bu kitapnen de aynı oldı”, – dep tarif etti Sentsov.

Sabıq siyasiy mabüs, ikâyede 1990 seneleri, studentlik yılları aqqında tarif etilgenini añlattı.

“Bu 1990 seneler edi. Men, Kyiv milliy iqtisadiy universitetiniñ Qırım filialına “marketing” zenaatına kirdim. Ve sentâbrniñ 1-nde bütün gruppamıznn toplaşqanda öz zenaatımız bilmey edik, o zaman “menecer” sözü yoq edi. Ve biz böyle külünçli söz sayladıq – “marketer”. Soñra elbette biz marketologlar olğanımıznı añladıq, amma bir yıl keçken soñ”, – hatırladı o.

Menba Ukrinform
tarih 22.09.2019
kategoriyalar MEDENİYET
paylaşmaq
UA|TV top haberleri