Oleg Sentsov koloniyada yañı ikâyeler yaza, – uquqimayecisi

uatv
21.05.2019

Rusiye uquqimayecisi Zoya Svetova ukrain siyasiy mabüsi Oleg Sentsovnen telefonnen qonuşqan.

Bu aqta Azatlıq.Radiosı haber etmekte.

Svetovanıñ qayd etkenine köre, qonuşma daa mayısnıñ 14-nde olmaq kerek edi – rejisser açlıq tutmağa başlağanınıñ yıllığına. Amma koloniya reberligi izinini tek şimdi bergen.

“Sentsov açlıq vaqtında coyğan çekisini alğanını ve sportnen oğraşqanını aytıp berdi. Rejisser ikâyeler yaza, yaqında onıñ yañı kitabı çıqmaq kerek.

Telefon qonuması vaqtında Ukrainada çıqarılğan “Nomerı” filmi de muzakere etilgen. Film bu sene Odessa kinofestivalinde kösterilecegni rejisser bile, çünki film yaratıcılarınen mektüpleşe eken”, – dep añlattı uquqimayeci.

Onıñ bildirgenine köre, siyasiy mabüsniñ sesi pek durist edi. Sentsov er şey güzel olacağına işana, dedi Svetova.

Bundan ğayrı Kreml mabüsi Volodımır Zelenskiy yañı prezident dep saylanğanı aqqında da eşitken. Amma buña bir şey demegen, dep yekünley uquqimayeci.

Menba Azatlıq Radiosı
tarih 21.05.2019
kategoriyalar KREML MABÜSLERİ
paylaşmaq
UA|TV top haberleri