Oktâbrniñ soñunda Ukrainağa NATO reberligi kelecek

uatv
09.10.2019
Foto Ukrinform-UATV

NATO reberlik etken organnıñ vekilleri – Şimalatlantik şurasınıñ – oktâbrniñ 30-31 Ukrainanı zirâyet etecek ola.

Bu aqta Ukrainada NATO Temsilciliginiñ başı Aleksandr Vinnikov bildirdi, dep haber ete Gromadske.

Onıñ aytqanına köre, Şimalatlantik şurasınıñ azaları Odesa ve Kyivni ziyaret etecek.

“Bu, NATO tarafından Ukraina suvereniteti ve topraq bütünligine bergen desteginiñ ğayet küçlü işareti. Aynı zamanda Odesa limanına NATO daimiy arbiy deñiz gruppasınıñ gemileri kirecek”, – dedi Vinnikov.

Ziyaret vaqtında Baş kâtip Kyivde prezident Zelenskıy iştiraginen Ukraina-NATO komissiyasını keçirecek.

Bunıñ ile NATO reberlik etken organı yañı saylanılğan mebuslar, ükümet temsilcileri ve grajdan cemaatınen körüşecekler.

“Bu ziyaret pek müim, ve o, Ukraina ve NATO arasındaki munasebetlerde şimdiki kün tertibiniñ episi maddelerine diqaqat etecek”, – dep yekünledi Aleksandr Vinnikov.

Evel, NATO, “Ştaynmayyer formulası” Minsk añlaşmalarınıñ yerine ketirilmesine yardım etecek, dep bildirdi.

Menba Gromadske
tarih 09.10.2019
kategoriyalar UKRAİNA-NATO
paylaşmaq
UA|TV top haberleri