Odessada halqara kinofestival başlandı

uatv
13.07.2019
Foto Ukrinform-UATV

Odessanıñ milliy opera ve balet akademik teatrinde iyülniñ 12-nde X Halqara kinfestivali açıldı. Festival iyülniñ 20-ne qadar devam etecek.

Bu aqta kinofestivalniñ matbuat hızmeti haber etmekte.

Bu sene 10-ncı kinofestivalge 40 memleketten 1110 film kelgen. Açılış merasimi vaqtında konkurs programmasınıñ filmleri ilân etildi: Halqara yarışta 12 levha taqdim etilgen, Avropa vesiqalı filmler konkursına 8 film kirgen, Milliy programma ise 5 tolumetrolı ve 10 qısqametrolı filmden ibaret.

Jüri terkibinde: belçika rejissörı ve prodüsser Peter Brosens, Golivudta çalışqan ukrain oyuncısı İvanna Sakhno, Avropa kinoakademiyasınıñ azası, Karlovı Varı kinofestivaliniñ müdiri Karel Oh, aktör Barri Vord, yazıcı, rejisser ve prodüsser Nana Ekvtimişvili.

Kinokosterişler Odessa muzkomediâ teatrinde, “Rodina” kinoteatrinde, Zelenıy ve başqa teatrlerinde keçecek.

Menba UATV
tarih 13.07.2019
kategoriyalar MEDENİYET
paylaşmaq
UA|TV top haberleri