Odesada yanğın: politsiya 9 insan elâk olğan musafirhaneniñ saibini tutıp aldı

uatv
18.08.2019
Foto Milliy Politsiya

Uquqqorçalayıcılar “Tokio Star” öteliniñ saibi Vadım Çornıyni tutıp aldı. Tünevin anda, yanğın neticesinde doquz insan elâk oldı.

Bu aqta Odesa vilâyeti prokuraturasınıñ matbuat hızmeti haber etmekte.

“Odesa vilâyetiniñ nezareti altında, makemeden evel taqiqat çerçivesinde, taqiqatçılar Ukraina qanuniyetiniñ 208 maddesi boyunca “Tokio Star” musafirhanesiniñ saibi – V.Çornıyni tutıp aldı”, – dep, aytıla bildirmede.

Prokuratura musafirhanede doquz kişiniñ ölümine sebep olğan yanğınd telükesi talaplarını bozuv maddesi boyunca qabaatlav azırlay. Bundan ğayrı, prokuratura sıñırlav tedbiri belgilenmesini talap etecek.

Faciadan soñ başlanğan taqiqat işleri devam etmekte. Hatırlatamız, altı insan ale daa reanimatsiyada buluna. Yanğın sebbeinden cinaiy dava başlatıldı. Prezident Volodımır Zelenskıy bildirgenine köre, o, bu işni şahsiy kontroli altına alacaq.

Menba UATV
tarih 18.08.2019
kategoriyalar CEMİYET
paylaşmaq
UA|TV top haberleri