Normandiya sammiti: BMT baş kâtibi körüşüvniñ neticelerini alğışladı

uatv
11.12.2019
Foto AP

BMT baş kâtibi Antonio Guterres, dekabrniñ 9-nda Pariste olıp keçken “Normandiya dördü” körüşüviniñ neticelerini alğışladı ve taraflarnı Donbassta vaziyetniñ çezilmesi içün ğayretlerini eki qat arttırmağa davet etti.

Bu aqta baş kâtipniñ matbuat kâtibi Stefan Düjarrik bildirgen, dep haber ete Ukrinform.

“O, BMT Normandiya formatında aza memleketlerniñ, Minsk añlaşmaları çerçivesinde Ukrainada Üç taraflı kontakt gruppasınıñ emiyetine qoltutqanını daa bir kere tasdıqlay”, – dep qayd etti spiker.

Bunıñ ile BMT baş kâtibi, Ukraina topraq bütünligi, mustaqilligi ve suverenitetine tamamınen qoltutqanını hatırlattı.

Hatırlatamız: ABD Rusiyeni “Normandiya dördü” sammitinde özüne alğan mecburiyetlerni yerine ketirmege davet etti.

Ukraina, Almaniya, Frenkistan ve Rusiye “Normandiya dördü” sammiti vaqtında yılnıñ soñunace tamamınen ateşni toqtatmağa ve mabüslerni “er kesni er keske” formatta deñiştirmege añlaştılar.

Dekabrniñ 9-nda, “Normadiya dördü” liderleri – Ukraina prezidenti Volodımır Zelenskıy, Frenkistan prezidenti Emmanuel Macron, Almaniya kantsleri Angela Merkel ve Rusiye devlet başı Vladimir Pütin Pariste körüştiler.

Джерело UATV
дата 11.12.2019
категорії SİYASET
поділитися
Топ новин на UA|TV