“Normandiya dördü” yılnıñ soñunace “er kesni er keske” deñişüvge qoltuta, – Zelenskıy (Foto, Video)

uatv
10.12.2019
Foto AP

Ukraina, Almaniya, Frenkistan ve Rusiye “Normandiya dördü” sammiti vaqtında yılnıñ soñunace tamamınen ateşni toqtatmağa ve mabüslerni “er kesni er keske” formatta deñiştirmege añlaştılar.

Bu aqta Ukraina prezidenti Volodımır Zelenskıy ortaq matbuat konferentsiyası vaqtında bildirdi.

“Taraflarnıñ episi hatırlattı, ateşni toqtatuv rejiminiñ semereli ve quvetleştirilgen nezaret etilüvi içün Avropada işbirlik ve telükesizlik teşkilâtı Mahsus nezaret etüv missiyasınıñ bütün Ukraina topraqlarında telükesiz irişimi olması müim. Bunıñ ile, missiya gece-kündüz nezaret etmesi içün salâhiyetleri keñleştirilmek kerek olğanını da qayd ettiler”, – dedi prezident.

Foto AP

Bundan ğayrı, taraflar Donbassnıñ minasızlaştırıluvı aqqında yañı plan azırlanılmasına qoltuttılar.

“İştirakçi memleketler 2019 senesi 31 dekabrgece apishanelerde tutulğan mabslerni “er kesni er keske” printsipke esaslanıp azat etilmesine yardım etecekler. Azır cedvellerni teşkermek ve Qızıl Haç Halqara komitetiniñ temsilcilerine mabüslernen körüşmege kerekgiligi aqqında keliştik”, – dedi Zelenskıy.

Dekabrniñ 9-nda, “Normadiya dördü” liderleri – Ukraina prezidenti Volodımır Zelenskıy, Frenkistan prezidenti Emmanuel Macron, Almaniya kantsleri Angela Merkel ve Rusiye devlet başı Vladimir Pütin Pariste körüştiler.

Джерело UATV
дата 10.12.2019
категорії SİYASET
поділитися
Топ новин на UA|TV