Ne de olsa, oktâbrniñ 31-nde Büyük Britaniya Avropa Birliginden çıqacaq, – Boris Johnson

uatv
16.09.2019
Foto Azatlıq Radiosı

Büyük Britaniya baş naziri Boris Johnson, Brüksel ile añlaşma qabul etilmese bile, oktâbrniñ 31-nde Büyük Britaniya Avropa Birlignden çıqacaq, dep bildirdi.

Bu aqta UATV Avropa aqiqatına atfı etip bildire.

Baş nazir oktâbrniñ 17-nde Avropa Birligi sammitini ziyaret eteсek ola. Anda kelişme tizilmesi aqqında añlaşacaq.

“Bu bir qaç künde yeterli ilerilevge irişsek, men oktâbrniñ 17-nde bu müim sammiteke barmağa ve beketniñ ve İrlandiya sıñırınıñ er eki tarafındaki biznes ve vatandaşlarnı qorçalaycaq añlaşmanı yekünlemege niyetlenem”, – dedi Boris Johnson.

Onıñ aytqanına köre, bu kibi añlaşma em Büyük Britaniya, em de Avropa Birliginiñ menfaatlarına uyğun olacaq.

“Biz bu künü (oktâbrniñ 31-nde) çıqacaqmız (Avropa Birliginden), añlaşma olsa ya da olmasa bile”, – dep qayd etti baş nazir.

Evel, Büyük Britaniya parlamenti oktâbrniñ 14-ne qadar işini toqtatacaq, dep haber etildi.

Hatırlatamız: Büyük Britaniya qırıliçesi Yelizaveta II, baş nazir Boris Johnsonnıñ vaqtınca parlament işniñ toqtatılması aqqında teklifini taqdirledi. Johnson bu kibi adımnı, mebuslar Büyük Britaniyanıñ Avropa Birligi terkibinden añlaşma olmadan çıqmasını kestirip olamasınlar, dep yaptı.

Menba Avropa aqiqatı
tarih 16.09.2019
kategoriyalar Dünya
paylaşmaq
UA|TV top haberleri