Nazirler kabineti Moğolistan ile viza rejiminiñ lâğu etilmesi aqqında leyhağa qol tuttı

uatv
22.05.2019
Foto Ukrinform-UATV

Mayısnıñ 22-nde ükümet, Moğolistan ükümeti ile qarşılıqlı viza rejiminiñ lâğu etilmesi aqqında añlaşma leyhasına qol tuttı.

Bu aqta UATV mühbiri haber ete.

Vesiqada yazıla: Ukraina ve Moğolistan vatandaşları bir biriniñ devletlerinde 180 kün devamında 90 künge qadar vizasız buluna bile.

Añlaşma yaqın vaqıtta imzalanılacaq. Nazirler kabineti Poloniyadaki Ukraina elçisi Andriy Deşçinağa bu añlaşmanı imzalamaq içün salâhiyet berdi. Moğolistan elçiligi Poloniyada yerleşe.

Keçenlerde Ukraina ve Dominika ittifaqdaşlığınen vizasız rejim aqqında añlaştı. Vizasız rejim sayesinde ukrainler bugünde Avropa Birligi memleketlerine endi 33 milliondan ziyade yolculıq etti.

Menba UATV
tarih 22.05.2019
kategoriyalar TURİZM
paylaşmaq
UA|TV top haberleri