NATO, Ukrainağa Qara deñizde yardım etmek içün tedbirler programmasını tasdıqladı

uatv
05.04.2019
Foto NATO

Telükesizlik seviyesiniñ arttırıluvı içün NATO aza memleketleriniñ tışqı işler nazirleri, Qara deñizde Bağlaşım ordusınıñ bulundırıluvını arttıracaq programmanı tasdıqladılar.

Bu aqta NATO Baş kâtibi Jens Stoltenberg Washingtonda bildirdi, haber ete Avropa aqiqatı.

“Biz bir sıra tedibrler tasdıqladıq, olarnıñ yardımı ile yerlerde vaziyetni eyice bileckmiz ve Ukraina ve Gürcistanğa yardımnı arttıracaqmız. Bu tedbirler deñiz quvetleri ve yalı muafazası talimlerine, gemilerniñ limanlarğa kelüvi ve malümat aluv-berüvge ait olacaq”, – dedi o.

Onıñ sözlerine köre, şimdiki vaqıtta NATO gemileri ukrain ve gürci askerlerinen beraberlikte arbiy talimlerde iştirak ete.

“Rusiye Qırımnı işğvl etmek içün küç qullandı ve bölgede öz arbiy quvetini arttırmağa devam ete” – dep qayd etti Jens Stoltenberg.

Bunıñ ile o Moskvadan, qanunsız serette zapt etilgen ukrain arbiy deñizcileriniñ azat etilmesini talap etti.

Menba Avropa aqiqatı
tarih 05.04.2019
kategoriyalar UKRAİNA-NATO
paylaşmaq
UA|TV top haberleri