NATO Ukrainağa mudafaa ve arbiyler reabilitatsiyası içün 40 mln. yevro berecek – Stoltenberg (VİDEO)

uatv
31.10.2019
Prezident Ofisniñ fotosı

Ukraina Şimaliyatlantik İttifaqnıñ eñ yaqın ortaqlardan ola. Daima Şimaliyatlantik regionda telükesizlik alını destekley.

Bu aqta İttifaqnıñ baş kâtibi Jens Stoltenberg bugün, 31 oktâbrde, Kyivde olğan Ukraina – NATO komissiyanıñ toplaşuvından aytqan, UATV haber ete.

O ukrain ordusı Afğanistanda, Kosovoda telükesizlikni temin etmek yardım etkeni, em NATOnıñ tez reaktsiya quvetlerniñ bölügine kirgenini qayd etti.

Aytqanına köre, İttifaq Ukrainağa ameliy yardım etmekni devam ete.

“Bugün bizler Ukrainağa etilgen yardım paketni ğayrıdan baqıp çıqtıq. 10 trast fondudan NATO- nıñ azaları ve ortaqları Ukrainağa cenkâver komandalıq ve nezaret, kibermudafaalıq, tibbiyet reabilitatsiya saalarında destek köstermek içün 40 mln. yevro ayırdı. Bu güzel, semereli neticelerge ketirir. Bundan da ğayrı yaralı arbilerge tedaviylenmek içün yardım etemiz” -dedi Yens Stoltenberg.

Prezident Vladimir Zelenskiy bugünki körüşüv Ukraina İttifaqnıñ müim partnörı olğanı ve NATO-nen işbirligi qaviyleşkenni isbatlağanını qay etti.

Ukraina İttifaqnıñ cenibüy- şarq tarafında sırada olğanını ve avropaatlantik telükesiz alannıñ bölünmegen parçasıdır. Ukraina sadece istimalcı degil de, em seneler boyu telükesizlikni teslimatçısı ola. NATO bizim arbilerimizniñ ihtisaslı olğanlarını ve bizim işbirligimizge yüksek qıymet bergenlerine meni pek sevindirdi. NATO-nıñ azası olmadan bizim ülkemiz İttifaqnıñ çeşit operatsiyalarında ve missiyalarında iştirak ete. Ukrain muvafaqiyetli operatsiyalarnı NATO azaları olğan memleketlerniñ universitetlerinde ögreneler.” -qayd etti devletimizniñ başı.

Körüşüv vaqtında eki taraf işbirlikniñ neticelerini çıqardılar, yapılğanına qıymet kestiler ve işbirlikni daa da semereli olmasına aqıl tanıştılar, qoştı Zelenskiy.

“Bugün bizler yañı proyektler ve ameliy tedbirler paketi, işbirligimizni daa da qaviyleştirmesi aqqında añlaştıq. Kelecekte bizim işbirligimiz NATO – nıñ keñiş imkânları çerçivesinde muzakere ettik” – qayd etti o.

Ukraina ve NATO Qara deñiz bölgesinde telükesizlikni ve istiqrarnı pekitmek içün çalışmalar yapacaqlar. Olar beraberlikte gibrid telükege qarşı turacaqlar ve şu ketişetta eñ esası Qara deñizde beraberlikte arbiy oquşlarnı keçirecekler.

Bugün Kyivde Ukraina – NATO komissiyanıñ toplaşuvı keçkenini hatırlatamız.

Menba UATV
tarih 31.10.2019
kategoriyalar UKRAİNA-NATO
paylaşmaq
UA|TV top haberleri