NATO radioaktiv qalımtılarnıñ yoq etilmesi içün Ukrainağa €1,5 mln ayırıcaq

uatv
21.05.2019
Foto censor.net.ua saytından

NATO Ukrainanıñ Kirovograd vilâyetindeki “Tsibuleve” obyektinde saqlanğan radiaktiv qalımtılarnıñ yoq etilmesi içün para ayıra. Ukraina ve NATO bu leyha çerçivesinde añlaşmanı artıq imzaladılar.

Bu aqta Ukraina mudafaa naziriniñ muavini Anatoliy Petrenko haber etti, dep bildire Ukrinform.

“Bu Ukraina mufadaa sektorine NATO-nıñ ameliy yardımınıñ misalidir. Men bu perspektivalarnı optimizm ile közetem, çünki “Vakulençuk” leyhası muvafaqiyetli oldı. “Tsibuleve” obyektinde işimiz muvafaqiyetli olması içün elimizden kelgenini yapamız”, – dep, qayd etti Anatoliy Petrenko.

Leyha 18 ay devam etecek. Onıñ fiyatı €1,5 mln teşkil etecek. Bu aqta leyhanıñ yolbaşçısı Yuriy Gnılıtskıy haber etti. Bugünki künde daa episi paralar kelmedi. Qayd etilgenine köre, leyhanıñ donorları – Norvegiya ve Almaniya.

Menba Ukrinform
tarih 21.05.2019
kategoriyalar UKRAİNA DÜNYADA
paylaşmaq
UA|TV top haberleri