NATO gemileri Qara deñizge kirdi ve Odessağa yol tuta

uatv
29.03.2019
Foto Twitter Yörük Işık

NATO memleketleriniñ üç arbiy gemisi İstanbul boğazını keçti ve Qara deñizge çıqtı.

Bu aqta Korrespondent haber ete.

Bu, NATO ekinci daimiy arbiy-deñiz taqımınıñ gemileri – Kanada qıral arbiy-deñiz quvetleri fregatı “Toronto” ve İspaniya arbiy-deñiz quvetleri fregatı “Santa Mariya”.

Bunıñ ile Qara deñiz suvlarına Niderlandı arbiy-deñiz quvetleriniñ eskadrön mina taşıyıcısı da kirdi.

Haber etilgenine köre, aprelniñ 1-nde Odessağa barıp yetmek kerek olğan NATO gemileri ukrain ve gürci deñizcileri ile beraberlikte “Morsköy şçit” talimlerde iştirak etecek.

Evel Ukraina mudafaa naziri Stepan Poltorak, NATO gemileri aman-aman er ay ukrain limanlarına kirecegini bildirgen edi.

Menba UATV
tarih 29.03.2019
kategoriyalar UKRAİNA-NATO
paylaşmaq
UA|TV top haberleri