Nariman Memedeminov makeme vaqtında milliy areket veteranlarına teşekkür bildirdi

uatv
17.07.2019

Tünevin, iyülniñ 16-nda, Şimaliy Kavkaz arbiy makemesinde “Nariman Memedeminovnıñ davası boyunca oturışuv keçti.

Bu aqta Qırım Birdemligi haber etmekte.

Makeme oturışuvında qabaatlav tarafınıñ eki şaatı, Qırımda FSB idaresiniñ eki hadimi sorğulandı. Adliyeci Edem Semedlâyev bildirgenine köre, şaatlarnıñ ekisi de Memedeminov olarnıñ nezareti altına Aqyarda “Hizb ut-Tahrir davası” boyunca ötkerilgen makemelerden soñ tüşti.

Bundan ğayrı, makeme oturışuvı vaqtında, grajdan jurnalisti, “Qırım Birdemligi”niñ faali Nariman Memedeminov iyülniñ 10-nda Qızıl Meydanğa narazılıqqa çıqqan milliy areket veteranlarına teşekkür bildirdi.

Memedeminovnıñ davası boyunca nevbetteki oturışuv iyülniñ 24-nde keçirilecek.

bBağçasaray rayonında Rusiye telükesizlik hadimleri ve uquq qoruyıcıları Nariman Memedeminovnıñ evini tinttiler. Ondan soñ faaliyetçi Aqmescitteki Rusiye FSBsi idaresine alıp ketildi. Martnıñ 23-nde mahkeme Memedeminovnı tevqif etti.

Memedeminovnı Rusiye CK-nıñ 205 maddesiniñ 2-nci qısmına ait olğan cinayette (İnternet vastasınen terrosistik areketlerge açıq çağıruvlar) qabaatlaylar.

Menba UATV
tarih 17.07.2019
kategoriyalar KREML MABÜSLERİ
paylaşmaq
UA|TV top haberleri