“Naftogaz” şirketinde Ukraina GTS operatorınıñ ayırıluvı tamamlandı

uatv
02.01.2020
Foto Ukrinform

“Naftogaz” Milliy aktsiyalı şirket, öz strukturasından Ukraina Gaz taşuv sisteması operatorınıñ aktivler ayıruvını tolusınen bitirdi.

Bu aqta “Naftogaz” başı Andrey Kobolev Facebook saifesinde yazdı.

“Bugun ayıruv (anbandling) tamamlandı, mustaqil gaz taşuv sisteması operatorı “Naftogaz” gruppasından tam olaraq ayırıldı ve muhtar işini başladı – Ukraina ve Avropa Birligi istimalcıları içün tabiiy gaz taşuv”, – yazdı o.

Kobolev qayd etti, Ukraina Avropa Birligi Uçünci energopaketiniñ normasını yerine ketirdi ve mesül ve işançlı ortaq olğanını isbatladı.

Onıñ aytqanına köre, mustaqil Ukrainanıñ bütün tarihında bu energetika saasındaki eñ büyük islâat oldı.

“Naftogaz” GTS operatorınıñ aktsiyacısı degil, amma onıñ büyük müşterisi ola”, – añlattı şirket başı.

Endiden Gaz tışuv sesteması operatorı “Ukraina magistral gaz boruları” Açıq aktsiyalı şirketniñdir. O ise Maliye nazirliginiñ idaresi astında.

Yanvarnıñ 1-nde, Ukraina yañı tranzit añlaşmasına köre Avropa Birligine Rusiye gazınıñ ilk kubometrlerni naqil etti.

Oquñız: “Naftogaz Ukraina” Milliy aktsiyalı şirket ve Rusiye “Gazprom” şirketi bazarertesi künü aqşam keç olğanda ukrain gaz taşuv sistemasınıñ qullanuvınen gaz tranziti içün muqavele imzaladılar.

Джерело UATV
дата 02.01.2020
категорії İQTİSADİYAT
поділитися
Топ новин на UA|TV