Myanmada küçlü yağmurlar büyük yer yılışması sebepçisi oldı

uatv
12.08.2019
Foto AP

Yüzlerce asker, yanğın söndürici ve qurtarıcı, avgustnıñ 11-nde yer yılışması sebebinden zarar körgen Paung qasabasıda sınıq parlçalar tübünden adamlarnıñ cesetlerini ve taşıtlarnı tapıp çıqarmağa devam eteler.

Bu aqta UATV The Guardian neşriyatına atfı etip bildire.

Küçlü yağmarlar Mon, Karen ve Kaçin eyaletleriniñ qısmılarını sarıp aldı. Yollar battı, köpürler sındı.

Esasen qıdıruv-qurtaruv operatsiyalar, Andaman deñizi yalısında yerleşken ve tabiat afetinden eñ çoq zarar körgen Mon eyaletinde keçirile.

Eyalette şeerniñ tahminen 67 faizi suv tübünde qalmaqta, pilotsız uçaqlarnıñ kameralarında ise tek evlerniñ damlarını, terek pıtaqlarını körmek mümkün.

Eyalette suvnıñ köterilmesi 4 biñden ziyade binanı bastı ve 25 biñ sakinni evelrini terk etmege ve sığınaqlar qıdırmağa mecbur etti.

2015 senesi Myanma, ekstremal tabiat şaraitinden eñ çoq zarar körgen memleketler cedvelinde 1-nci yer aldı. Keçken sene büyük suv taşqını vaqtında 100 adam elâk oldı.

Er sene musson yağmurlar Myanma ve diger Cenübiy-Şarqiy Asiya memleketlerini sarıp ala.

Menba UATV
tarih 12.08.2019
kategoriyalar Dünya
paylaşmaq
UA|TV top haberleri