“Mustaqil Ukraina olmasa suveren Avropa da olmaycaq”, – Donald Tusk

uatv
14.11.2019
AP

Avropa Şurası prezidenti Donald Tusk Frenkistan prezidenti Emmanuel Macronğa, Rusiyenen strategik munasebetlerniñ ğayrıdan quruluvı aqqında bildirüvine pek qattı cevaplandı. O, mustaqil Ukraina ve istiqrarlı Balqanlar olmasa, iç bir türlü suveren Avropa da olmaycaq dep bildirdi.

Bu aqta Donald Tusk Brügge şeerindeki (Belçika) Avropa kölecinde yañı oquv yılı başlanması munasebeti ile yapqan çıqışı vaqıtnda ayttı, haber ete Ukrinform.

“Endi, Avropa Birliginiñ şübesiz liderlerinden birisi, kelecegimizniñ ümüti ve menim yaqın dostum Frenkistan prezidenti aqqında. Men ona, kerçek suveren Avropa aqqında onıñ hayalına qoltutqanımnı aytmağa isteyim. Bunı yapa bilecegimizge eminim, amma tek suveren olaraq areket etken şartlarda. Yaqınlarda Avropa Birligi keñişlemesi ile olğanı kibi degil. Qıtanıñ qalğan qısmına bütünleşke ve istiqrarlı Balqanlar olmasa iç bir türlüv suvere Avropa da olmaycaq. Mustaqil Ukraina da olmasa suveren Avropa olmaycaq. Rusiyege dair bizim qattı ve açıq-aydın nazar noqtamız bizim suverenitetimizniñ birinci bildirüvi edi. Bu yolnu devam etmelimiz”, – dep qayd etti Avropa Şurası prezidenti.

Bunıñ ile o, Emmanuel Macronnıñ Rusiye ile strategik munasebetlerni ğayrıdan quruluvı aqqında fikrini tenqit etti.

Hatırlatamız: Frenkistan prezidenti Emmanuel Macron “Ekonomist” neşirine bergen intervyude Rusiyeniñ “Avropalı aynılığı”nı bildirdi ve Moskva ile ğayrıdan strategik munasebetler quruluvına qoltuttı.

Menba Ukrinform
tarih 14.11.2019
kategoriyalar SİYASET
paylaşmaq
UA|TV top haberleri