Mustafa Cemilevniñ Bağçasaraydaki evine rusiye polisi keldi, – Çubarov

uatv
16.05.2019
Foto Ukrinform-UATV

Mayısnıñ 15-nde işğal etilgen Qırımda, qırımtatar halqı lideri Mustafa Cemilevniñ Bağçasaraydaki evine rusiye polisi keldi.

Bu aqta Facebook saifesinde qırımtatar Milliy Meclis reisi Refat Çubarov yazdı.

Onıñ bildirgenine köre, Mustafa Cemilevniñ evinden ğayrı, rusiye polisi daa bir qaç qırımtatar evine “cedvellerni teşkermek” içün kirgen.

Refat Çubvro yazdı ki, Bağçasaraydaki 6-ncı mikrorayonnıñ yerli polis hadimi Yekaterina Yahova, Cemilevniñ ögey oğlu Eldarnıñ şahsiy malümatını sorağan.

“Eldar, uçastkovıy Yekaterina Yahovnıñ kelgeniniñ sebebi ne ve nege sorav yapqanını sorağanda, politsiya hadimi, onlarce soyadlardan ibaret olğan cedvelni kösterdi, ve olarnıñ episi, Eldarnen berabar, torrorcılıq faaliyetinde şeklene, dep ayttı”, – yazdı Meclis reisi.

Refat Çubarov, mayısnıñ 18 arfesinde – Qırımtatar halqı genotsidı qurbanlarınıñ añma kününde Qırımnıñ işğal akimiyeti qırımtatarlarğa qarşı yañı kütleviy provokatsiyalar azırlğanını tahmin etti.

Evel, ukrain ve qırım diniy faalleri ve aq-uquq imayecileri işğal etilgen Qırımda söz serbestligi Beyannamesini ilân etti.

Menba UATV
tarih 16.05.2019
kategoriyalar QIRIM
paylaşmaq
UA|TV top haberleri