Moskvada yüz bergen vaqialardan dolayı Rusiyeniñ PASEge qaytmasını yañıdan baqıp çıqmaq kerek, – britaniya eyyeti

uatv
05.08.2019
Foto Ukrinform-UATV

Rusiye Federatsiyasınıñ Avropa Şurası Parlament Assambleyasına qaytuv meselesini Moskvada kütleviy köteklevler ve tevqif etilüvler yüzünden yañıdan baqıp çıqmaq kerek.

Bu aqta PASEde Britaniya eyyetiniñ başı Rocer Geyl bildirdi, dep yaza Avropa Aqiqatı.

“Bir qaç afta evelsi PASE Rusiye Federatsiyasınıñ aqlarını yañartmaq içün rey berdi, amma artıq Rusiye mecburiyetlerini becermege ve PASE qaidelerini ömürge keçirmege istemegeni körüne. Ümüt etem ki, Nazirler komiteti bu meseleni sentâbr ayında baqıp çıqar ve oktâbrde PASE yekünleviy sessiyasına toplanğanda, kene de bu meselege qaytar. Moskvada körgen vaqialar qabul etilmez”, – dep, qayd etti Rocer Geyl.

Rusiye uquqimayecileri narazılıqlarnı toqtatmaq içün yapqan şeyler qarardan ziyade. Bunen beraberlikte, insanlarnı köteklegen adamlarnıñ bazıları polis bile degil.

“Rusiye Federatsiyası İnsan aqları Konventsiyasını boza. Ve tınç numayışlarğa olarnıñ munasebeti kene de Rusiyege qol tutmamaq kerek olğanımıznı köstere. Rusiye Beyanname maddelerini becermegence oña qarşı sanktsiyalarımız devam etmek kerek”, – dedi Geyl.

Menba UATV
tarih 05.08.2019
kategoriyalar SİYASET
paylaşmaq
UA|TV top haberleri