Moskvada yañı narazılıqlar keçe

uatv
10.08.2019

Moskvanıñ merkezinde avgustnıñ 10-nda yañı narazılıqlar keçe. İnsanlar Moskva şeer duması saylavlarına muhalefet namzetleriniñ qayd etilmemzligi sebebinden artıq üçünci kere şeer merkezine çıqalar.

Miting Saharova caddesinde başlandı. Bu sefer miting keçirilmesine yerli akimiyet izin berdi, dep haber ete Azatlıq Radiosı.

Politsiya aktsiyadan evel avtozaklar ve mahsus tehnika ketirdi. Şeerde qoaralar qoyuldı. Akimiyet provokatsiyalarğa yol bermeycagini bildire. Faaller er cumaertesi künleri böyle aktsiyalarğa çıqmağa niyetindeler.

Hatırlatamız, iyülniñ 27-nde ve avgustnıñ 3-nde Moskvada şeer duması saylavlarına muhalefet namzetleriniñ kirsetilmemesi sebebinden narazılıq aktsiyaları keçti. Aktsiya vaqtında biñden ziyade insan tutuldı.

Taqiqat komiteti kütleviy tertipsizlikler ve zorbalıq maddeleri boyunca cinaiy iş açtı. Bu iş boyunca 12 kişi tevqif etildi. Narazılıq vaqtında insalarnıñ politsiya tarafından köteklenmesini çoqusı uquqqorçalav teşkilâtı ve Amerikanen Avropa Birligi takbih ettiler.

Menba Azatlıq Radiosı
tarih 10.08.2019
kategoriyalar Dünya
paylaşmaq
UA|TV top haberleri