Moskva merkezinde faaller sarı-mavı tüslü gemiçikler asıp qoydı (FOTO)

Faaller ukrain esir arbiy deñizcilerine qoltutmağa ve olarağa diqqat celp ettirmege tırışalar

uatv
10.01.2019
Foto Ukraina vatanperverleri dünya areketi

Ukraina vatanperverleri dünya areketiniñ faalleri Moskvada Manejnaya meydanındaki naratnı kâğıttan yapılğan sarı-mavı tüslü gemiçiklernen yaraştırdı.

Bu aqta Ukrinform haber ete.

Böyle etip, faaller Rusiye esir etken ukrain deñizcilerine qoltutmağa ve olarğa diqqat celp ettirmege tırışalar.

“Biz küreşimizni devam etecekmiz. Nevbetteki gemiçikler endi Qızıl meydanında olacaqlar. Bunıñ ile o yerde “Ukrainağa şan-şerefler!” de eşimtmek mümkün olacaq”, – areketniñ reberi İrena fon Burg dedi.

Hatırlatamız: Ukraina vatanperverleri dünya areketi esir etilgen ukrain deñizcileriniñ azat etilüvini talap etip, ve olarğa qoltutmaq içün “Sarı-mavı tüslü gemiçik” adlı fleşmob başlattı.

Menba Ukrinform
tarih 10.01.2019
kategoriyalar UKRAİNA DÜNYADA
paylaşmaq
UA|TV top haberleri