Moskva makemesi şeer duması saylavlarına muhalefet namzetini kirsetti

uatv
14.08.2019
Foto Qırım Aqiqat

Moskvanıñ şeer makemesi şeer duması saylavlarına muhalefet namzeti olaraq qayd etilecek “Yabloko” fırqasınıñ vekili Sergey Mitrohinğa red cevap bergen saylav komissiyasınıñ qararını lâğu etti. Makeme saylav komitetini onı qayd etmege vazifelendirdi.

Bu aqta “Nastoyaşçeye Vremâ” malümatına esaslanaraq Azatlıq Radiosı haber ete.

Mitrohin resmiy olaraq avgustnıñ 14-nde, yani bugün, qayd etilmek kerek.

Hatırlatamız, avgustnıñ 10-nda Moskvanıñ merkezinde yañı narazılıqlar keçti. İnsanlar Moskva şeer duması saylavlarına muhalefet namzetleriniñ qayd etilmemzligi sebebinden artıq üçünci kere şeer merkezine çıqtılar. Bundan ğayrı, aktsiya iştirakçileri iyülniñ 27-nde ve avgustnıñ 3-nde aktsiyalar vaqtında tutulğanlarnı azat etmege talap ettiler.

Menba UATV
tarih 14.08.2019
kategoriyalar Dünya
paylaşmaq
UA|TV top haberleri