Moskva, 322 ukrain vatandaşı ve 68 şirketke qarşı sanktsiyalar kirsetti

Cedvelge kirsetilgen şahıslar arasında müessise ve şirket reberleri

uatv
01.11.2018

 

Moskva, 322 ukrain vatandaşı ve 68 şirketke qarşı sanktsiyalar kirsetti. Qararnı rusiye naziri Medvedev imzaladı. Sıñırlavlar tiygen şahıslarğa rusiyeniñ tışına sermiya çıqarmaq yasaq etildi. Rusiye Federatsiyasınıñ topraqlarındaki esapları, qıymetli kâğıtları ve mal-mülkü ise – muasara etilecek. Cedvelge kirsetilgen şahıslar arasında müessise ve şirket reberleri, bunıñ ile iş adamları, mahkemeciler ve mebüsler. Olarnıñ arasında prezidentniñ üyken oğlusı – Aleksey Poroşenko, İçki işler nazirliginiñ reisi Arsen Avakov, Silâlı Quvetler baş ştabınıñ reberi Viktor Müjenko, baş prokuror Yuriy Lutsenko, Yuqara Radanıñ spikeri Andriy Parubiy. Cedvelde yer alğan şahıslar, UATV-ge bergen tefsirinde, sanktsiyalarnı – rusiyeniñ tecavuzına qarşı mucadeledeki yararalıqlarnıñ tanılması olaraq qabul etkenlerini bildirdiler.

Menba UATV
tarih 01.11.2018
kategoriyalar Haber çıqışları, UKRAİNA
paylaşmaq
UA|TV top haberleri