Minskte Ukraina reineleriniñ azat etilüviniñ eki variantını teklif etecek, – Yevgen Marçuk

Kyiv, esir ukrainlerniñ Rusiye Federatsiyasınıñ vatandaşlarına deñiştirilüvi aqqında teklifler azırladı

uatv
10.12.2018

Foto Ukrinform-UATV

Dekabrniñ 19-nda Minskte Donbass vaziyetiniñ tertipleşmesinde üç taraflı kontakt gruppasınıñ oturışında ukrain tarafı mabüs ve esirlerniñ azat etilüviniñ eki variantını teklif etecek. Bu aqta Minsk aytışuvlarında Üç taraflı kontakt gruppasında Ukraina temsilcisi Yevgen Marçuk tarif etti, haber ete Ukrinform.

“Bugun, dekabrniñ 27-nde yapılmaq kerek olğan deñişüvniñ variantı azır: yigirmi üç yigrimi üçke ve altmış altı on doquzğa formulasına köre. Bu teklifni resmiy olraq dekabrniñ 4-nde keçirilgen oturışta yaptıq. Rusiye razı olmay. Bunı dekabrniñ 19-nda kene de teklif etecekmiz”, – dedi Marçuk.

Ukraina temsilcisi ayrıca, Minsk vesiqalarınıñ er bir madderleri talil etilecek ayrı bir oturış keçirmege teklif etti.

Menba UATV
tarih 10.12.2018
kategoriyalar CEMİYET, ŞERİKLERNİÑ HABERLERİ
paylaşmaq
UA|TV top haberleri