Minskte aytışmalarda Ukraina “Ştaynmayyer formulası” yerine ketirilme şartlarını ayttı

uatv
19.09.2019
Foto Twitter BelarusMID

Sentâbrniñ 18-nde, Minskte Donbassta vaziyetniñ tınç çezilmesinden Üç taraflı kontakt gruppasınıñ otruşı olıp keçti. Toplaşuvda, apiste tutulğan şahıslarnıñ qarşılıqlı bir vaqıtta azat etilmesi içün emiyetli ilerilevge irişildi. Bunıñ ile Ukraina “Ştaynmayyer formulası” yerine ketrilme şartlarını ayttı.

Bu aqta Facebookta, Üç taraflı kontakt gruppasında Ukrana temsilcisi Leonid Kuçmanıñ matbuat kâtibi Darka Olifer bildirdi.

Onıñ aytqanına köre, ukrain tarafı Zolote ve Petrovske bölgelerinde quvetlerniñ keri çekilmesine azır olğanını tasdıqladı.

“Amma Rusiye tarafı quvetlerniñ keri çekilmesiniñ ola bilecek künü belgilemesini kestirdi. Bu kibi areketler bu bölgelerde vaziyetni telüke altına qoya”, – yazıla malümatta.

Bundan ğayrı, Stanıtsâ Luganska qasabasında köpür ğayrıdan qurulması esnası muzakere etildi.

Bunıñ ile, Üç taraflı kontakt gruppasında Ukrana temsilcisi, ukrain tarafınıñ “Ştaynmayyer formulası” (yerli saylavlar aqqında) aslına printsipial itirazları olmamağanını bildirdi.

“Amma bu formulanıñ amelge keçirilüvi tek nevbetteki şartlar yerine ketirilgen taqdirde ola bile: ateşniñ tam toqtatılması; bütün Ukraina boyunca Avropada işbirlik ve belükesizilik teşkilâtınıñ mahsus nezaret etüv missiyasınıñ semereli közetüviniñ kefalet etilmesi; Ukraina topraqlarından ecnebiy orudalarnıñ silâlı müfrezeleriniñ ve arbiy tehnikanıñ çıqarılması; Ukraina Merkeziy saylav komissiyasıukrain siyasiy fırqaları, kütleviy haber vastaları ve çetel közeticiler işiniñ kefayet etilmesi; Rusiye-Ukraina sıñırındaki Ukraina idaresi astında olmağan bölgede nezaretniñ tayin etilmesi ve Minsk añlaşmalarında yazılğan diger maddelerniñ ve şartlarnıñ yerine ketirilmesi”, – dep yazdı Olifer.

Menba UATV
tarih 19.09.2019
kategoriyalar UKRAİNA
paylaşmaq
UA|TV top haberleri