Milliy Meclis reisi Refat Çubarov Qırımğa yürüş ilân etti

uatv
07.12.2019
Foto Ukrinform-UATV

Qırımtatar Milliy Meclis reisi Refat Çubarov «Dünya zorbalıq ve işğalge qarşı. Menlik yürüşi» halqara zorbalıqsız barışıq aktsiyası keçirilecegini ilân etti.

Bu aqta Refat Çubarov öz Facebook saifesinde yazdı.

«Qırımtatar Milliy Meclisi «Dünya zorbalıq ve işğalge qarşı. Menlik yürüşi» halqara zorbalıqsız barışıq aktsiyasını keçirmek içün azırlıq körmege açıq teşebbüs köstere. Bu aktsiyanıñ şekli olaraq Ukraina devletiniñ esas qısmından Ukraina devletiniñ diger tarafı – Qırım yarımadasına doğru – yürüş teşkil etilüvini köremiz. Evimizge doğru ketemiz», – dedi Çubarov.

Aktsiya Birleşken Milletler Teşkilâtı, Avropada işbirlik ve telükesizilik teşkilâtı, Avropa Birligi kibi halqara teşkilâtlarğa Rusiyege nisbeten alınğan qararlarnı yerine ketirmege yardım etecek».

Meclis reisiniñ aytqanına köre, Qırım işğal etilgen soñ «Rusiye, iç bir halqara qararnı yerine ketirmedi ve böyle aktsiya «onı uquq çerçivesine qaytarmağa yardım ete bile».

Bunıñ ile, teşkilâtçılar bir sıra memleket ve halqara teşkilâtlarğa muracaat etip, yürüşte iştirak etmelerine davet etecek ola.

Джерело UATV
дата 07.12.2019
категорії CEMİYET
поділитися
Топ новин на UA|TV